notte delle lanterne a Catanzaro ideata dal comune

Catanzaro, immagine del quartiere Corvo

Avia raggiuna l'anticu. Nci vò pocu ma si pigghjianu lucciuli ppè lanterni! E a li catanzarisi chissu nci sta succedendu!

On ci su sordi on c'è lavoru on ci su strati puliti insomma on c'è nenta e u sindacu chi fa? Mobilita menzu mundu ma fa a notta de lanterni! E guai ma v'azzardati ma diciti ca è a notta piccanta!

Iddu dicia ca è a costu zeru ppo comuna ca i sordi i mintanu latri... latri cu su i latri? E ppoi pecchì sti latri mintanu sordi accussì. Hannu sordi ma perdanu? Mi para stranu! E ammenzu tutti sti stranezzi stamatina mi'nda capitau una: stava pigghiandu u sottopassaggiu da hferrovia da marina quandu arretu e mia dui cu a brigichetta s'azziccaru 'nto scivulu ppe i disabili. U vì! Dissi 'nta menta mia. Accussì evitannu l'incrociu. Ma arrivati all'uscita do sottopassu eppuru e scindira e ma si pigghianu a brigichetta subra i spaddhi ma ponnu nescira ca a la fina nceranu i scali. Vi l'immagginati unu subba a carrozzella chi s'azzicca nto suttapassu ma pigghia u trenu o ma va e latra parta? Nzomma nc'è nu scivulu ma trasi e nessunu chi ti fa jira ali binari o all'uscita e latra parta.

E tornandu a li latri. Comumai non pensaru ma fannu na raccolta pe' i scivuli da ferrovia? Oppuru ma si pulizzanu i strati do corvu ca su chjini e ervazzi?

No i latri sannu duva ma mintanu u cerveddhu e comu ma nci fannu vidira luccioli ppe' lanterni a li cristiani.